O Concello de Ourense cofinancia cunha subvención de 16.986,38 € para o ano 2021 o desenvolvemento do proxecto Integración e Apoio Social nas Familias con Dano Cerebral Adquirido.
Con este proxecto a Asociación DCA Ourense –RENACER- establece os mecanismos para facilitar a incorporación social das familias beneficiarias. Está dirixido a mellorar a autonomía das persoas con dano cerebral a través de intervencións favorábeis ás súas habilidades sociais e pre-laborais e diríxese, tamén, a facilitar un apoio específico ao fortalecemento das redes sociais das familias e ao desafogo da carga emocional das persoas que asumen o rol de coidadoras informais.
O proxecto organízase nos seguintes tres eixos:
- Apoio á socialización e acceso ao ocio e á cultura.
- Apoio á mellora de habilidades pre-laborais.
- Orientación e fortalecemento das redes sociais das familias.